- Tíðindi, mentan og ítróttur
Nú verður makrelkunngerðin lýst
<div>Kungerðin um, hvussu makrelfiskiskapurin skal skipast í ár, verður møguliga lýst fríggjadagin.</div><div><br></div><div>Tað sigur Jacob Vestergaard, landsstýrismaður í fiskivinnumálum. </div><div><br></div><div>Kunngerðin skal á landsstýrisfund fyrst, áðrenn hon verður lýst. Verður kunngerðin lýst fríggjadagin, fer Fiskimálaráðið fyrst í næstu viku at viðgera og svara teimum nógvu umsóknunum, sum eru komnar um loyvi at fiska makrel ella taka í móti makreli í summar.</div><div><br></div><div>Kvotan, sum landsstýrismaðurin skal býta, er 148.375 tons.</div><div><br></div><div>Tað hevur ljóðað, at strandarlondini, sum eru rúkandi ósamd um makrelin, skuldu hava fund á ráðharrastigi nú í juni. Jacob Vestergaard sigur, at hann veit einki um ein slíkan fund. Men fiskimálaráðharrarnir í Norðuratlantshavi hava sín árliga fund í Reykjavík fyrstu vikuni í juli. </div><div><br></div><div>Makrelósemjan er ikki á dagsskránni fyri tann fundin. Men verða norski ráðharrin og ES-kommisserurin á fundinum í Reykjavík, er møguligt, at fundur verður um makrelin, sigur Jacob Vestergaard. </div>
