- Tíðindi, mentan og ítróttur
Ótolnast eftir svari um pengar til flogvøllin
<div>Vinnumálaráðið hevur rykt danska Ferðslumálaráðið eftir svari, um pengarnir til at beina burtur krútið við flogvøllin kunnu takast úr Íleggingargrunninum.</div><div><br></div><div>Johan Dahl, landsstýrismaður hevði fyrst í mai fund við danska ferðslumálaráðharran, Henrik Dam Kristensen, um at fáa tær 27 miljónir kr., sum tað kostar at beina krútið burtur, úr Íleggingargrunninum.</div><div><br></div><div>Johan Dahl sigur, at Henrik Dam Kristensen lovaði at taka málið upp við donsku stjórnina. Men enn hevur hann einki frætt aftur. Skal landsstýrið fáa pengarnar, so er neyðugt, at danska stjórnin biður fólkatingið um loyvi, tí Íleggingargrunnurin er undir donskum valdi.</div><div><br></div><div>Tá Vága Floghavn kom á føroyskar hendur, var avtala gjørd um, at 365 miljónir kr., skuldu takast úr Íleggingargrunninum, til at fíggja útbyggingina í Vágum, sum fevnir um at leingja flogvøllin, byggja nýggja farstøð, og aðrar ábøtur. Teir pengarnir skulu ikki gjaldast aftur í grunnin.</div><div><br></div><div><b>Má takast upp í Føroyum</b></div><div><br></div><div>Arbeiðið at leingja flogvøllin er liðugt, og nú verður farið undir at byggja farstøðina.</div><div><br></div><div>Tá arbeitt var við at leingja flogvøllin, komu arbeiðsfólkini fram á krút í lendinum við vøllin. Neyðugt var at fáa krútið burtur, og tað arbeiðið verður gjørt nú. Fyribils fíggjar Vága Floghavn arbeiðið. </div><div><br></div><div>Arbeiðið kostar 27 miljónir kr., og teir pengarnar ætlar landsstýrið eisini at fáa úr Íleggingargrunninum. Men enn hevur danska stjórnin ikki svarað landsstýrinum.</div><div><br></div><div>Jóhan Dahl, landsstýrismaður sigur, at vil danska stjórnin ikki lata pengarnar úr Íleggingargrunninum, so má málið takast upp í Føroyum til tess at finna eina loysn.</div><div><br></div>
