- Tíðindi, mentan og ítróttur
Danir niðurleggja verjuleiðsluna
<p>Danski verjumálaráðharrin, Nick Hækkerup, hevur gjørt av at niðurleggja ovastu leiðsluna í herinum, Forsvarskommandoen, og leggja stovnin beinleiðis undir verjumálaráðið.</p><div><br></div><div>Tilsamans skal danska hervaldið spara tríggjar milliardir krónur, og við at leggja verjuleiðlsuna undir verjumálaráðið verða spardar 30 milliónir krónur. Umleið 75 størv verða niðurløgd.</div><div><br></div><div>Nick Hækkerup sigur við danskar fjølmiðlar, at stjórnin vil nútímansgera ovastu verjuleiðsluna, og tað verður gjørt við at samansjóða sivila partin og herleiðsluna.</div><div><br></div><div>Verjuleiðslan umfatar herin, flogvápnið og sjóverjuna. Hon varð stovnað í 1969.</div><div><br></div>
