- Tíðindi, mentan og ítróttur
Landsbókasavnið roynir at fáa handrit hjá Williami
<div>Landsbókasavnið fer nú at kanna møguleikarnar fyri at keypa handritið hjá Williami Heinesen, "Den Yderste Tid", sum varð selt á uppboði týsdagin.</div><div><br></div><div>Ein føroyskur privatpersónur keypti handritið og sigur, at føroysku myndugleikarnir kunnu keypa handritið frá honum fyri sama prís, sum hann keypti tað fyri.</div><div><br></div><div>Skotbráðið var stutt, og Landsbókasavnið kundi ikki finna pengarnar í eini skjótari vend til uppboðssøluna týsdagin. Men nú fer savnið at kanna møguleikan at keypa handritið. Tað kann koma upp á tal at fáa sponsorar at fíggja keypið, sigur Erhard Jacobsen, leiðari á Landsbókasavninum.</div><div><br></div><div>Landsbókasavnið hevur okkurt upprunatilfar eftir William Heinesen, men ikki so nógv. Og tí er hetta handritið rættiliga áhugavert.</div><div><br></div><div>Føroyski keyparin, sum vil vera ónevndur, keypti handritið fyri 95.000 krónur umframt avgreiðslugjøld.</div><div><br></div><div><br></div><div> </div>
