- Tíðindi, mentan og ítróttur
Martin V. Heinesen í landgrunsnevndina hjá ST
<div>Martin V. Heinesen, jarðfrøðingur er valdur í landgrunsnevndina hjá ST í eitt fimm ára skeið. Hann varð uppstillaður sum valevni fyri danska ríkið, og fekk stuðul úr øllum Norðurlondunum.</div><div><br></div><div>Uppgávan hjá landgrunsnevndini er at viðgera landgrunskrøv hjá strandalondum og gera tilmæli um teirra landgrunsmørk uttan fyri 200 fjórðingar. </div><div><br></div><div>Landgrunsnevndin hevur sæti í New York og arbeiðir har millum 21 og 26 vikur um árið. Teir 21 limirnir í landgrunsnevndini eru serfrøðingar í jarðfrøði, jarðalisfrøði og vatnfrøði, t.e. hydrografi. Teir verða valdir úr ymsum heimspørtum fyri at tryggja eina landafrøðiliga javnvág.</div><div><br></div><div>Martin V. Heinesen hevur starvast sum leiðari á Jarðfrøðisavninum, og í 1990-árunum var hann limur í Oljuráðleggingarnevndini hjá landsstýrinum og stjóri á Oljufyrisitingini. Hann var limur í nevndini, sum samráddist við Bretland um landgrunsmarkið. </div><div><br></div><div>Síðan 2003 hevur Martin verið leiðari fyri landgrunsverkætlanina, sum fyrireikaði landgrunskrøvini út um 200 fjórðingar norðan fyri og sunnan fyri Føroyar. Krøvini vórðu latin ST í ávikavist apríl í 2009 og desember í 2010. </div><div><br></div>
