- Tíðindi, mentan og ítróttur
Seta ikki meiri pening í Posta
<div>- Tað er als ikki nøktandi, at Posta hevur hall í rakstrinum. Og felagið skal síggja til, bæði at tryggja og forrenta eginpeningin.</div><div><br></div><div>Tað sigur Johan Dahl, landsstýrismaður í vinnumálum, í svari til grein-52 fyrispurning frá Poul Michelsen, tingmanni og formanni í Framsókn.</div><div><br></div><div>Poul Michelsen spurdi millum annað, um Posta sleppur at hava undirskot, til øll eginognin er brúkt, uttan at nakar talar at. Og løgtingsmaðurin vil eisini hava at vita frá Johan Dahl, um hann heldur tað vera í lagi, at Posta seinastu fimm árini hevur brúkt yvir 20 mió. kr. til at kappast við privatu flutningsfeløgini.</div><div><br></div><div><b>Seta ikki meiri pening í Posta</b></div><div><b><br></b></div><div>- Eg haldi ikki, at hetta er ein spurningur um rímiligheit. Hóast nevnd og stjóri hava arbeitt miðvíst við at gera rationaliseringar, effektiviseringar og optimera raksturin, hevur tað víst seg at vera trupult at fáa raksturin at hanga saman, ljóðar svarið frá landsstýrismanninum, sum hevur ábyrgd av Posta.</div><div><br></div><div>Poul Michelsen vísir í spurninginum á, at í eini privatari fyritøku verður kravt, at eginognin verður forrentað, og varð sama kravið sett til Posta, var samlaða undirskotið hesi seinastu fimm árini oman fyri 35 milliónir krónur, sigur hann. </div><div> </div><div>Sambært Johan Dahl fær Posta javnvág á rakstrinum í ár og avlop næsta ár. Og landskassin hevur ongar ætlanir um at seta meira eginpening í Posta, upplýsir landsstýrismaðurin í svarinum.</div><div><br></div>
