- Tíðindi, mentan og ítróttur
200 færri fólk seinasta árið
<div>Skeiva gongdin í fólkatalinum í Føroyum heldur fram og versnar.</div><div><br></div><div>Hagstovan kunnger í dag, at 1.apríl búðu 48.339 fólk í Føroyum, 197 færri enn 1.apríl í fjør. Orsøkin er tann sama sum fyrr, fleiri flyta úr Føroyum enn til Føroya. </div><div>407 fleiri fluttu av landinum enn til Føroya hetta árið. </div><div><br></div><div>Burðaravlopið er tó heldur einki at reypa av. Tað var 210. </div><div><br></div><div>573 børn vórðu fødd og 363 fólk doyðu. Burðaravlopið hevur ongantíð verið so lítið, sigur Hagstovan. Í Sandoynni minkaði fólkatalið 2,5 prosent frá 1.apríl í fjør til 1.apríl í ár. Tað er størsta lutfalsliga minkingin. Bara í Vágum og Norðoyggjum heldur fólkatalið tørn ella veksur eitt lítið vet.</div><div><br></div><div>Hagstovan sigur, at fráflytingin hevur neiliga ávirkan á burðartalið, tí serliga ungar kvinnur flyta av landinum. </div><div><br></div><div>Tá hetta heldur fram í fleiri ár, fer gongdin inn í eina ringrás. Færri kvinnur í bestu burðarføra aldrinum merkja sjálvandi færri børn, sum aftur ger, at færri og færri </div><div>kvinnur í burðarførum aldri vera í Føroyum.</div>
