- Tíðindi, mentan og ítróttur
Kærustovnurin: TAKS eigur at strika skuld
<div>TAKS eigur at sleppa at strika skuld, sum ikki er so stór, og gera rentufríar gjaldsavtalur av skuld upp til 50.000 kr.</div><div><br></div><div>Tað heldur Kærustovnurin, sum enn eina ferð í ársfrágreiðingini fyri 2011 ger vart við, at mannagongdin, sum er neyðug fyri at fylgja ásettu lógarkrøvunum um skuldarumskipan, er tung og virkar nakað stirvin, tá talan er um lítla skuld.</div><div><br></div><div>Kærustovnurin umsitur eisini nevndina, sum viðger umsóknir um at umskipa almenna skuld. Nevndin fekk 19 umsóknir í fjør. Tað er tað minsta síðani 2005. </div><div><br></div><div><b>Drúgv viðgerð</b></div><div><br></div><div>Skuldarumskipanarnevndin avgreiddi 18 mál í fjør og strikaði góðar 2,4 mió. kr. í skuld til tað almenna. Men viðgerðartíðin er drúgv. Miðalviðgerðartíðin var átta og hálvan mánað í fjør. Serliga verður bíðað leingi eftir svari frá kommununum, miðaltíðin er hálvur fimti mánaður.</div><div><br></div><div>Ummælistíðin hjá TAKS var í miðal ein mánaður í fjør, men Studni svarar skjótt, har er miðal viðgerðartíð fýra dagar. Men viðhvørt verður eisini bíðað leingi eftir upplýsingum frá umsøkjaranum sjálvum, sigur Kærustovnurin. </div><div><br></div><div><b>19 umsóknir</b></div><div><br></div><div>Av teimum 19 umsóknunum, sum komu í fjør, vóru níggju um skattaskuld, fýra um rentur, fýra um ymiska skuld, ein um meirvirðisgjald og ein um lestrarskuld. </div><div><br></div><div>Har sum Skuldarumskipanarnevndin ikki hevur strikað skuld, hevur talan í nógvum førum verið um mál, har skuldin er lítil samanborin við ogn og inntøku hjá umsøkjaranum, ella hevur umsøkjarin frívirði í fastari ogn. Í nøkrum førum hevur Taks trygt veð fyri skuldini.</div><div><br></div><div><br></div><div><br></div><div><br></div><div><br></div><div> </div>
