- Tíðindi, mentan og ítróttur
2.000 kinverjar til Grønlands at arbeiða
<div>Líkt er til at norðurlond og Evropa sum heild eru vaknað við kaldan dreym, nú kinverjar vísa so stóran áhuga fyri ráevnum í grønlendsku undirgrundini.</div><div><br></div><div>Danska blaðið Politiken skrivar, at Kina ætlar at gera íløgur fyri milliardir í Grønlandi, og at 2.000 kinverjar skulu arbeiða í námum í Grønlandi.</div><div><br></div><div>Eitt felag, sum kinverjar eiga, hevur júst biðið grønlendsku myndugleikarnar um loyvi at gera eitt jarnmálm-nám við Godthåbsfjørðin. Har skulu 2.000 kinverskir námsarbeiðsmenn arbeiða, og brúk verður haraftrat fyri 300-400 grønlendskum arbeiðsfólkum, skrivar blaðið.</div><div><br></div><div>Kinverska felagið ætlar at byggja eina havn, ein veg, sum er 103 kilometrar, og eina verksmiðju við fjørðin.</div><div><br></div><div>- Ætlanin er, at virksemið skal byrja seint í 2015, ella fyrst í 2016, sigur kunningarstjórin í felagnum, Kaj Kleist.</div><div><br></div><div><b>Skipað viðurskifti</b></div><div><br></div><div>Grønlendska fakfelagið, SIK, sigur tað vera neyðugt við útlendskari arbeiðsmegi at gera arbeiðið, men tað skal vera undir skipaðum viðurskiftum.</div><div><br></div><div>- Heimastýrið má gera útlendingunum greitt, at tey, sum arbeiða í Grønlandi, skulu hava løn eftir grønlendskum sáttmála, sigur formaðurin í SIK, Jes G. Berthelsen, við Politiken.</div><div><br></div><div>Samstundis ætla Grønland og ES at skriva undir eina avtalu, sum greitt boðar frá, at týdningarmiklu ráevnini í grønlendsku undirgrundini verða boðin út á heimsmarknaðinum, so tað ikki bert verða kinverjar, sum kunnu bjóða seg fram.</div><div><br></div><div>Hósdagin kemur kinesiski forsetin, Hu Jintao, á vitjan í Danmark, og tað hevur rættiliga fingið gongd á orðaskiftið um stóra kinverska áhugan fyri Grønlandi.</div><div><br></div><div><br></div>
