- Tíðindi, mentan og ítróttur
Noreg: Støðan óbroytt í makrelmálinum
<p>Norska støðan í makrelmálinum er óbroytt eftir fundin, sum Lisbeth Berg-Hansen, fiskimálaráðharri, hevði við umboð fyri fiskivinnuna í gjár.</p><div><br></div><div>Audun Maråk, forstjóri í norska reiðarafelagnum, sigur við Fiskeribladet/Fiskaren, at stjórnin styðjar framvegis krøvini hjá vinnuni mótvegis Føroyum og Íslandi, og ongar ætlanir er um at taka samráðingarnar uppaftur.</div><div><br></div><div>- Vit høvdu ein konstruktivan fund, og einki bendir á, at stjórnin hevur broytt støðu. Tað er ein tryggleiki at vita, at stjórnin tekur undir við okkum, sigur Audun Maråk.</div><div><br></div><div>Hann sigur, at nú tekin eru um, at makrelurin hevur broytt ferðingarmynstur, bendir nógv á, at minni makrelur verður í íslendskum sjógvi. Tað kann hava við sær, at íslendingar verða sinnaðir at gera avtalu við hini strandalondini um makrelin, heldur stjórin norska reiðarafelagnum.</div>
