Nógvur svartkalvi undir Føroyum

Fiskiskapurin var so góður, at Magnus Heinason noyddist inn at landa, tá kanningarferðin var komin í helvt

Á Magnusi Heinasyni hava teir fingið ábendingar um, at svartkalvi eisini gýtir í føroyskum sjógvi.

14.06.2012 - 09:58

<div>Nógv meiri svartkalvi er undir Føroyum í ár enn í fjør. Og nú er eisini fingin ein ábending um, at svartkalvi gýtir í føroyskum sjógvi.</div><div><br></div><div>Magnus Heinason hevur kannað svartkalva og annan fisk á djúpum vatni undir Føroyum. Fyribilsúrslitið er, at munandi meira var at fáa av svartkalva, trant-kongafiski, stórum kongafiski og fleiri øðrum fiskasløgum enn í fjør, sigur Havstovan.</div><div><br></div><div>Men minni var av toski. </div><div><br></div><div><b>Gýtir eisini við Føroyar</b></div><div><br></div><div>Túrurin gav eisini ábending um, at svartkalvi gýtir við Føroyar. Fiskiskapurin var so góður, at Magnus Heinason noyddist inn at avreiða, tá kanningarferðin var komin í helvt. Tað er ikki hent áður, upplýsir Havstovan.</div><div><br></div><div>Magnus Heinason tók eisini tvey hál við uppsjóvartroli eystan fyri og vestan fyri Sandoynna, men eingin makrelur var í.</div><div><br></div><div>Kanningarferðin hjá Magnusi Heinasyni endaði 5.juni.</div><div><br></div><div>Fyrrapartin í mai kannaði Magnus Heinason sild og svartkjaft norðanfyri. Á leið líka nógv sild var at síggja sum undanfarin ár, men heldur meira av svartkjafti. Eingin makrelur var á leiðini, har sum hann var somu tíð í fjør. </div><div><br></div>