Brek var orsøkin til at myllurnar fóru í knús

Tryggingarfelagið Føroya hevur kannað, hví vindmyllurnar hjá SEV í Neshaga fóru í ódnarveðrinum í mars

Nú er staðfest, at framleiðslubrek í vindmyllunum hjá SEV í Neshaga var orsøkin til, at tær fóru í knús í ódnarveðri í mars.

Høgni Djurhuus

Johnsigurd Johannesen

15.06.2012 - 09:53

<div>Brek í myllunum í Neshaga var orsøkin til, at tær toldu ikki tann nógva vindin og tí fóru í knús. </div><div><br></div><div>SEV hevur fingið eina frágreiðing, sum er gjørd fyri Tryggingarfelagið Føroyar. </div><div><br></div><div>Einfalda frágreiðingin er, sigur SEV, at orsøkin til skaðarnar er framleiðslubrek í myllunum.</div><div><br></div><div><b>Myllurnar eru tryggjaðar</b></div><div><br></div><div>Tvær Vestas-myllur hjá SEV í Neshaga fóru í knús í ódnarveðri fyrst í mars. Myllurnar eru tryggjaðar, og Tryggingarfelagið Føroyar fekk donsku kanningarstovuna, Force Technology, at finna orsøkina.</div><div><br></div><div>Orsøkin er sambært frágreiðingini, at pitchstongin, sum stýrir veingjunum eftir, hvussu vindurin blæsur, var skeivt ísett, tá myllurnar vórðu bygdar. Tí tóku veingirnir ov nógvan vind á seg, nógv meira vind enn teir og bremsuskipanin tola. </div><div><br></div><div>Pitchstongin í triðju mylluni, sum ikki fekk skaða, er eisini kannað. Hon er heil.  </div><div><br></div>