- Tíðindi, mentan og ítróttur
Lafayette tekur eisini ímóti makreli í ár
<div>Hóast umboðsmaðurin hevur sagt, at tað ikki er aktuelt, so kemur risastóra móttøkuskipið Lafayette kortini í føroyskan sjógv at taka ímóti makreli í summar. Tað váttar Ludvík við Stein fyri útvarpinum. </div><div><br></div><div>Higartil hevur umboðsmaðurin víst á, at tað loysir seg ikki at fáa skipið higar, við avreiðingargjaldinum, ið er tvær krónur kilo, soleiðis sum løgtingið hevur samtykt. </div><div><br></div><div>- Men vit gera tó kortini eina roynd at taka ímóti makreli fyri marknaðarprís, og so mugu skipini so átaka sær avreiðingargjaldið, sigur Ludvík við Stein. </div><div><br></div><div><b>Vænta somu nøgd í ár</b></div><div><br></div><div>Í fjør hevði Lafayette sum mál at taka ímóti umleið 40.000 tonsum av makreli, og málið í ár er áleið tað sama. </div><div><br></div><div>2011 royndist tó so mikið væl hjá móttøkuskipinum, at tikið var ímóti 50.000 tonsum av makreli frá føroyskum skipum. </div><div><br></div><div>Umboðsmaðurin hjá Lafayette sigur seg hava gjørt avtalu við nøkur føroysk skip um at landa til móttøkuskipið. Í fjør vórðu treytir um føroyska manning settar í innflutningsloyvið. </div><div><br></div><div>- Í ár verður eingin føroyingur við, um sæð verður burtur frá eftirlitisfólkunum, sigur Ludvík við Stein. </div><div><br></div><div>Manningin á Lafayette telur 300 fólk, 250 asiatar og 50 russar. </div><div><br></div><div>Lafayette er í løtuni í Suðurkyrrahavinum, og fer fyrsta dagin at seta kós ímóti Føroyum. Skipið er væntandi í føroyskum sjógvi seinast í juli. Lafayette er undir russiskum flaggi.</div>
