- Tíðindi, mentan og ítróttur
Vilja hava størri part av landgrunninum
<div>Danska stjórnin og grønlendska sjálvstýrið hava latið vísindalig prógv fyri einum kravi um ein part av grønlendska landgrunninum. </div><div><br></div><div>Økið er 115.000 ferkilometrar uttan fyri grønlendska 200 fjórðinga markið, í ein útsynning móti Kanada og eystur móti Íslandi.</div><div><br></div><div>Vísindaligu krøvini eru latin landgrunsnevndini hjá ST, upplýsir uttanríkisráðið sambært Ritzau. Kravið er sambært havrættarsáttmálanum frá 1982, sum Danmark setti í gildi í 2004.</div><div><br></div><div><b>Triðja økið</b></div><div><br></div><div>Hetta er triðja av fimm økjum, sum danska kongaríkið ger krevur. Tað fyrsta var eitt øki norðan fyri Føroyar, har krøvini vórðu latin í 2009. Í 2010 vórðu krøvini fyri eitt øki sunnan fyri Føroyar latin inn.</div><div><br></div><div>Prógvini fyri tey bæði seinastu økini eru ikki klár enn. Talan eru um tvey øki norðanfyri og í ein landnyrðing úr Grønlandi. Krøvini skulu øll verða latin serligu landgrunsnevndini hjá ST í seinasta lagi í 2014.</div><div><br></div><div>Kanada og Ísland krevja eisini økið, sum Grønland saman við Danmark nú krevur at fáa. Ísland læt síni prógv inn í apríl 2009, meðan Kanada enn ikki hevur latið síni krøv.</div><div><br></div><div>Enn ber ikki til at siga, nær málini verða viðgjørd í landgrunsnevndini. Viðgerðin kann taka fleiri ár.</div><div><br></div>
