- Tíðindi, mentan og ítróttur
Kinverjar kannað umstøðurnar í Føroyum
<div>Í kvøld kemur ein kinesisk sendinevnd at vitja Heilsufrøðiligu Starvsstovuna, og samstundis verður skipað fyri, at tey kunnu síggja føroyska vinnu, og hitta umboð fyri vinnuna, og polittiska myndugleikan.</div><div>Heilsufrøðiliga Starvsstovan hevur umvegis donsku sendistovuna í Beijing, fingið góðkent at heilsuváttanir frá stovninum eru góðkendar í Kina.</div><div>Føroyski útflutningurin til Kina økist í stórum. Í 2010 vórðu 140 heilsuváttanir útskrivaðar, og higartil í ár, hevur Heilsufrøðiliga Starvsstovan útskrivð næstn 500 heilsuváttanir fyri vørur, sum skulu til Kina.</div><div>Tað var í tí sambandi at myndugleikarnir í Kina settu fram ynski um at vitja í Føroyum, sigur Bárður Enni, stjóri á Heilsufrøðiligu Starvsstovuni.</div><div>Fyrrapartin í morgin verður fundur ímillum kinesisku sendinevndina og Heilsufrøðiligu Starvsstovuna, og seinnapartin skulu kinesisku gestirnir vitja eitt alibrúk og eitt kryvjivirki hjá Bakkafrost.</div><div>Mánamorgunin verður vitjað Í Vinnumálaráðnum, og síðani verður farið vestur í Vágar at vitja kryvjivirkið hjá Luna, áðrenn kinesisku gestirnir fara av landinum.</div><div>Umboðið frá donsku sendistovuni verður verandi til hósdagin. Hon skal m.a. hava fleiri fundir við teir partar av vinnuni ið útflyta til Kina, men eisini at hava fund við myndugleikar í Føroyum, herundir Heilsufrøðiligu starvsstovuna.</div><div><br></div><div><br></div><div><br></div>
