Samgongutingingar byrjaðar í Grikkalandi

Nýtt Demokrati roynir at skipa stjórn saman við Pasok, sum eisini tekur undir við krøvunum frá ES og IMF

Antonis Samaras, formaðurin í Nýggjum Demokratii, er farin undir samgongutingingar í Grikkalandi.

18.06.2012 - 16:23

<div>Formaðurin í grikska flokkinum, Nýtt Demokrati, Antonis Samaras, sum vann valið í gjár, er longu farin undir at skipa stjórn.</div><div><br></div><div>Flokkurin fekk 129 av teimum 300 sessunum í tjóðartinginum.</div><div><br></div><div>Samaras sigur, at hann má bera skjótt at, tí Grikkaland kann ikki bíða við at taka avgerð um framtíðina. Nýtt Demokrati tekur undir við krøvunum, sum ES og Altjóða Valutagrunnurin hava sett, fyri at veita Grikkalandi hjálp.</div><div><br></div><div>Eydnast ikki Samaras at skipa stjórn, so tekur næst størsti flokkurin, Syriza, um endan. Syriza tekur ikki undir við bjargingarætlanini hjá ES og IMF.</div><div><br></div><div><b>Samgongu við Pasok</b></div><div><br></div><div>Sosialistaflokkurin Pasok fekk 33 umboð í tjóðartingið, og tá Pasok eisini tekur undir við krøvunum, sum eru sett Grikkalandi, fer Samaras at royna at fáa eina samgongu í lag við sosialistarnar.</div><div><br></div><div>Kring Evropa fegnast leiðararnir um úrslitið av valinum, tí tað kann fáa Grikkaland burtur úr kreppuni, sum landið er í.</div><div><br></div><div>Næstan 40 prosent av veljarunum, eldri enni 55 ár, valdu Nýtt Demokrati, meðan tey flestu undir 55 ár atkvøddu fyri vinstrahalla flokkinum Syriza, sum fekk 27 prosent av atkvøðunum, og sum ikki tekur undir við bjargingarætlanini.</div><div><br></div>