Vinstri størri enn samgonguflokkarnir

Tað gongur framvegis av skriðuni hjá danska Javnaðarflokkinum, sum stendur seg illa í veljarakanningunum

Lars Løkke Rasmussen, formaður í Vinstra, hevur so góðan byr í veljarakanningunum, at hevði val verið nú, hevði Vinstri fingið fleiri fólkatingssessir enn allir samgonguflokkarnir tilsamans.

Sigmar Bláberg

Johnsigurd Johannesen

18.06.2012 - 17:18

<div>Ein meiningakanning í Danmark vísir, at Vinstri nú er størri enn allir tríggir samgonguflokkarnir tilsamans.</div><div><br></div><div>Sambært kanningini, sum Voxmeter hevur gjørt fyri Ritzau, høvdu bert 17 prosent av veljarunum atkvøtt fyri danska Javnaðarflokkinum.</div><div><br></div><div>Undirtøkan hjá Javnaðarflokkinum er 0,2 prosentstig størri enn í farnu viku, men tá Radikali flokkurin missir næstan eitt prosent, og Sosialistiski fólkaflokkurin bert hevði fingið seks prosent av atkvøðunum, er samlaða afturgongdin hjá samgonguflokkunum stór.</div><div><br></div><div>Vinstri hevði fingið 35,4 prosent av atkvøðunum, var val nú. Tað hevði givið flokkinum 62 fólkatingssessir, meðan samgonguflokkarnir bert høvdu fingið 56 umboð í fólkatingið.</div><div><br></div><div>Eindarlistin, sum stuðlar samgonguna, hevði fingið 17 tingsessir, var val nú, og tað er um eina lítil framgongd samanborið við valið í heyst.</div><div><br></div><div>Sambært meiningakanningini høvdu gomlu samgonguflokkarnir og stuðulsflokkarnir fingið 102 av teimum 179 umboðunum í fólkatinginum.</div><div><br></div><div>1.000 fólk vórðu spurd í kanningini.</div><div><br></div>