13 vindmyllur í Húsahaga fyri 140 mió. kr.

SEV hevur søkt Vinnumálaráðið um loyvi at seta myllurnar upp, og gongst sum ætlað, kunnu tær takast í nýtslu longu næsta summar

SEV hevur søkt um loyvi at seta 13 vindmyllur upp í Húsahaga í Havn.

Johnsigurd Johannesen

19.06.2012 - 17:27

<p>SEV hevur latið Vinnumálaráðnum umsókn um vindmyllulund í Húsahaga í Havn.</p><div><br></div><div>SEV hevur søkt um loyvi at seta 13 vindmyllur upp. Tær eru av slagnum Enecron 900. Mett verður, at við løðiskipanini kann vindmyllulundin framleiða 46 Gigawatt-tímar um árið. Tað fer at spara SEV 10.000 tons av olju, sum í dagsprísi kosta 40 milliónir kr.</div><div><br></div><div>Vindmyllulundin verður mett at kosta 140 milliónir krónur.</div><div><br></div><div>Saman við vindorkuætlanini í Neshaga, sum verður framd í løtuni, og útbyggingini av Eiðisverkinum, verður samlaða elframleiðslan úr varandi orkukeldum 67 prosent, sigur SEV.</div><div><br></div><div>Gongst sum ætlað, kann vindmyllulundin takast í nýtslu longu næsta summar. </div>