- Tíðindi, mentan og ítróttur
Fara eftir leiðsluni í Amagerbankanum
<div>Fyrrverandi nevndarformaðurin í Amagerbankanum, sum BankNordik yvirtók, kann noyðast at gjalda dýrt fyri húsagangin í bankanum.</div><div><br></div><div>Børsen skrivar, at staturin nú fer at krevja endurgjald frá fyrrverandi nevndarformanninum, N.E.Nielsen, og advokatfyritøkuni Bech-Bruun, sum N.E.Nielsen átti í til 2011.</div><div><br></div><div>Vakstrar- og vinnumálaráðið gjørdi í vár eina kanning av húsaganginum í Amagerbankanum, og síðani hevur verið arbeitt við at finna fram til, hvørjum staturin skuldi fara eftir, tá tað snýr seg um endurgjald.</div><div><br></div><div><b>Fara eftir gomlu bankaleiðsluni</b></div><div><br></div><div>Formaðurin í Fíggjarligum Støðufesti, Henning Kruse, sigur, at tey nú fara beinleiðis eftir fyrrverandi limunum í bankaleiðsluni, har pengar eru. Hildið verður, at fyrrverandi nevndarformaðurin hevur eina ábyrgdartrygging gjøgnum advokatfyritøkuna Bech-Bruun, og tað merkir, at staturin kann fáa nakað burturúr at fara eftir nevndarformanninum. </div><div><br></div><div>Tað kann hugsast, at endurgjaldskrav verður reist móti teimum fyritøkum, sum hava granskoðað Amagerbankan. Í kanningini av húsaganginum hjá Amagerbankanum vóru fleiri atfinningar at granskoðanini.</div><div><br></div><div>Endurgjaldskravið í Amagerbankanum verður væntandi um 400 mió. krónur. Uppgávan at føra rættarmálið varð boðin út í síðstu viku.</div>
