- Tíðindi, mentan og ítróttur
Altingið samtykt tilfeingisgjaldið
<div>Íslendska Altingið samtykti í nátt nýtt tilfeingisgjald, sum fiskiflotin skal gjalda næsta fiskiár. </div><div><br></div><div>Uppskotið hjá stjórnini fekk 27 atkvøður og 16 atkvøddu nei. 20 tingfólk atkvøddu ikki, trý samgongufólk atkvøddu blankt, og 17 tingfólk vóru ikki í tingsalinum. </div><div>Jón Bjarnason, fyrrverandi fiskimálaráðharri, sum er í øðrum stjórnarflokkinum, teimum vinstru-grønu, atkvøddi blankt eins og tvey onnur tingfólk floksins. </div><div><br></div><div>Lógin skal geva ríkiskassanum millum 600 og 650 mió. kr. í tilfeingisgjaldi næsta fiskiár, sum byrjar 1.september. Tað er tríggjar ferðir so nógv sum í verandi fiskiári.</div><div><br></div><div>Tilfeingisgjaldið er 1,53 kr. fyri kilo av botnfiski og 1,69 kr. fyri uppsjóvarfisk, umroknað til toskavirði. Hitt gjaldið, sum kann vera upp í 70 prosent av mettum vinningi hjá fiskivinnuni, bæði á sjógvi og á landi, kemur ikki í gildi fyrr enn í fyrsta lagi næsta summar.</div><div><br></div><div><b>Vilja hava nýggja stjórn</b></div><div><br></div><div>Vinnan vónar nú, at altingsvalið í vár fer at hava við sær eina nýggja ríkisstjórn. Eina stjórn, sum skilur støðuna hjá fiskivinnuni, sum Friðrík Jón Arngrímsson, stjóri í íslendska reiðarafelagnum, segði við Útvarpið í gjár. </div><div><br></div><div>Hóast stórmálið um, hvussu íslendska fiskivinnan skal skipast í framtíðini, ikki er avgreitt enn, er altingið nú farið í summarfrí. Næsti tingfundur verður 11.september.</div><div><br></div><div>Altingshúsið verður nú riggað til hátíðarhaldið 1. august, tá forsetin, sum verður valdur á forsetavalinum 30.juni, verður tikin í eið. </div><div><br></div>
