- Tíðindi, mentan og ítróttur
Ger ikki mun á starvsfólki
<div>Fíggjarmálaráðið fer ikki at gera mun á starvsfólki hjá statinum og øðrum fólki í Føroyum í nýggju pensjónslóggávuni.</div><div><br></div><div>Tað sigur Jørgen Niclasen, landsstýrismaður, sum nú hevur svarað brævinum, hann fekk frá danska starvsbróðuri sínum fyri hálvum øðrum mánað síðani.</div><div><br></div><div>Føroyska pensjónslóggávan órógvar danska fíggjarmálaráðharran, Bjarne Corydon, tí staturin hevur bindingar um eftirlønina í sáttmálum við fekfeløg um síni starvsfólk í Føroyum.Tí vil danska stjórnin hava, at tey okkurt um 75 fólkini, sum arbeiða fyri danska statin í Føroyum, verða undantikin broytingunum í pensjónslógunum í Føroyum.Eisini broytingini, sum kom á nýggjárinum, um at skatta inngjaldið av eftirlønini. </div><div><br></div><div><b>Øll í føroysk eftirlønarfeløg</b></div><div><br></div><div>Í brævinum til Jørgen Niclasen vísti Bjarne Corydon á, at staturin er bundin av sáttmálum við fakfeløg. Sambært hesum sáttmálum velja fakfeløgini sjálvi, hvat eftirlønarfelag skal fáa pengarnar frá limum felagsins.</div><div><br></div><div>Í uppskotinum um føroyska eftirlønarlóg, sum er á veg, er ætlanin, at øll eftirløn hjá fólki, sum arbeiðir í Føroyum, skal vera í føroyskum eftirlønarfeløgum.</div><div><br></div><div>Jørgen Niclasen svarar Bjarne Corydon, at ikki ber til at gera mun á teimum, sum arbeiða fyri statin í Føroyum, og øðrum í Føroyum við at geva teimum statssettu undantak. </div><div><br></div><div><b>Ger seg ikki inn á sáttmálar</b></div><div><br></div><div>Jørgen Niclasen góðtekur heldur ikki sjónarmiðið hjá Bjarne Corydon um, at skattaða inngjaldið ger seg inn á sáttmálarnar hjá statinum við fakfeløgini.</div><div><br></div><div>Tað sama kann sigast um allar aðrar sáttmálar í Føroyum. Bindingar í sáttmálum við fakfeløg eru tí eingin grundgeving fyri at geva teimum, sum arbeiða hjá statinum, sersømdir, stendur í svarinum frá Fíggjarmálaráðnum, sum Útvarpið hevur fingið innlit í. </div><div><br></div>
