- Tíðindi, mentan og ítróttur
Landsstýrismálanevndin viðger kæru um makrelbýtið
<div>Landsstýrismálanevndin avgjørdi í gjár at viðgera kæruna frá Høgna Hoydal um makrelbýtið.</div><div><br></div><div>Nevndin hevur sent kæruna til hoyringar hjá løgmanni og landsstýrismanninum í fiskivinnumálum, og fer síðani at viðgera málið aftur eftir ólavsøku, sigur Sirið Stenberg, forkvinna í nevndini.</div><div><br></div><div>Høgni Hoydal hevur kært løgmann og landsstýrismannin fyri heimildarloysi og ólógligar avgerðir í fyrisitingini av makrelfiskiskapinum í 2012. </div><div><br></div><div>Hin kæran frá Høgna Hoydal, sum landsstýrismálanevndin hevur, verður avgreidd í næstu viku, tá nevndin fer at gera niðurstøðu. </div><div><br></div><div>Høgni Hoydal kærdi løgmann og landsstýrismannin í fíggjarmálum fyri at bróta stýrisskipanarlógina, tí Uttanlandsnevndin ikki varð kunnað, áðrenn samráðingar vóru við donsku stjórnina um at hækka blokkstuðulin, og avgerð varð tikin um at steingja sendistovuna í London og flyta virksemið til Brússel.</div><div><br></div>
