254 forvinna meiri enn milliónina

Ein uppgerð hjá Taks vísir, at alt fleiri forvinna eina hálva millión krónur og meiri um árið

Í 2010 vóru tað 254 føroyingar, sum forvunnu meiri enn eina millión. Og gongdin er tann sama í 2011, vísa tøl hjá Taks.

21.06.2012 - 17:34

<div>Alt fleiri føroyingar gerast ríkir Tað vísa hagtøl, sum Taks hevur gjørt.</div><div><br></div><div>Samanteljingin vísir, at talið av føroyingum, sum hava eina hálva millión ella meiri í lønarinntøku, er vaksið úr 2.109 í 2009 upp 2.512 í 2010. Sostatt vaks parturin av føroyingum, ið forvinnur meiri enn hálva millión krónur, við góðum 19 prosentum.</div><div><br></div><div>Týðiligari gerast tølini, tá hugt verður at, hvussu nógvir føroyingar forvinna meiri enn eina millión. Hetta talið vaks úr 157 í 2009 upp í 254 í 2010. Sostatt vaks talið av føroyingum, ið hava meira enn eina millión í inntøku, við næstan 62 prosentum hetta árið.</div><div><br></div><div>Tølini fyri 2011 eru ikki liðugt uppgjørd enn, men Sofus Johannessen, fulltrúi á Taks, sær somu gongd í nýggjastu tølunum: at talið av føroyingum við stórari inntøku veksur.</div><div><br></div><div><b>Meiri verður at frætta í útvarpstíðindunum.</b></div><div><br></div>