- Tíðindi, mentan og ítróttur
Fiskidaganevndin vil hava óbroytt dagatal
<p>Fiskidaganevndin mælir til, at fiskidagarnir verða óbroyttir næsta fiskiár.</p><div>Fiskidaganevndin hevur latið Jacobi Vestergaard, landsstýrismanni, sítt tilmæli. </div><div><br></div><div>Nevndin sigur, at hon er greið um, at støðan hjá upsastovninum er góð, at toskastovnurin er nakað verri fyri enn í fjør, og at støðan hjá hýstustovninum er ring.</div><div>Kortini mælir Fiskidaganevndin til óbroytt fiskidagatal næsta ár.</div><div><br></div><div>Tilmælið er grundað á, at útgangsstøðið fyri fiskidagaskipanini er at stilla veiðiorkuna. </div><div><br></div><div><b>Orkan nógv minkað</b></div><div><br></div><div>Veiðiorkan - talið av skipum - er nógv minkað seinastu árini. Samstundis eru veiðimøguleikarnir hjá flotanum nógv skerdir, tí færri dagar eru í skipanini. Og haraftrat eru stór øki friðað fyri fiskiskap í styttri og longri tíð, sigur Fiskidaganevndin.</div><div><br></div><div>Nevndin mælir frá, at óbrúktir dagar verða nýttir sum grundgeving fyri at skerja fiskidagaralið.</div><div><br></div><div>Í Fiskidaganevndini sita umboð fyri skipabólkar, Meginfelag Útróðrarmanna og Fiskimannafelagið. Formaður í nevndini er Dennis Holm.</div><div><br></div><div>Alt tilmælið frá Fiskidaganevndini kann lesast <a href="http://www.fisk.fo/Default.aspx?ID=2396&M=News&NewsID=4576">her&...