- Tíðindi, mentan og ítróttur
Nýggj reinførisváttan til skip
<div>Nýggj kunngerð gevur føroyskum myndugleikum heimild at skriva út reinførisváttan til føroysk skip. Hetta er váttan, sum sigur frá, at eingi gnagdýr ella skordýr, ið kunnu spjaða sjúku, eru umborð.</div><div><br></div><div>Nýggja reinførisváttanin kemur í staðin fyri gomla rottusertifikatið. </div><div><br></div><div>Í fjør samtykti løgtingið eina nýggja epidemilóg. Høvuðsbroytingarnar í nýggju epidmilógini vóru tvær</div><div><br></div><div>Í fyrra lagi at víðka um heimildirnar hjá Epideminevndini at seta fyribyrgjandi tiltøk í verk í sambandi við útbreiðslu av smittandi sjúkum. Epideminevndin kann eisini seta tiltøk í verk, tá tað viðvíkur sjúkum, sum smitta frá vatni, luft, føði og dýrujm til fólk - og ikki einans, tá talan er um smittandi sjúkur millum fólk.</div><div><br></div><div>Og í øðrum lagi at geva tollvaldinum heimild at skriva út reinførisváttanir, sum koma í staðin fyri gomlu rottusertiikatini, ið áður vórður skrivað út til skip. </div><div><br></div><div><b>Fór úr gildi í 2009</b></div><div><br></div><div>Gamla rottusertifikatið gekk út miðskeiðis í 2009, tá danir broyttu sína epidem-lóg, og síðan hevur verið bíðað eftir, at lógin eisini skuldi setast í gildi í Føroyum. </div><div><br></div><div>Tað hevur givið skiparum á føroyskum skipum nakað av høvuðbrýggi at siglt uttan rottusertifikat ella nýggju reinførisváttanina. Føroysk skip hava hetta tíðarskeiðið kunnað væntað at verið afturhildin og ikki sloppið at loysa aftur, fyrr enn skipið varð kannað og eitt nýtt sertifikat var umborð.</div><div><br></div><div>Við kunngerðini er tann trupulleikin burtur. </div><div><br></div><div>Tað er tollvaldið, sum fyri Epediminevndina, útskrivar nýggju hygieinu-váttanirnar til skip. </div><div><br></div><div><br></div><div><br></div><div><br></div><div><br></div><div><br></div><div><br></div>
