Smyrjiolja orsøk til eldsbruna á Varðborg

Skipaeftirlitið hevur skrivað frágreiðing um óhappið, tá eldur kom í Varðborg, sum var á veg úr Peterhead á fiskileið

Smyrjiolja, sum sprændi á tann heita motorin, var orsøkin til, at eldur kom í Varðborg fyri skjótt einum ári síðani

21.06.2012 - 12:32

<div>Smyrjiolja, sum sprændi á tann heita motorin, var orsøkin til, at eldur kom í Varðborg fyri skjótt einum ári síðani.</div><div><br></div><div>Skipaeftirlitið hevur kunngjørt frágreiðing sína um óhappið. </div><div><br></div><div>Tveir tímar eftir, at Varðborg var farin til fiskiskap úr Peterhead í Skotlandi kom eldur í maskinrúmið. Hetta var beint eftir midnátt 30.juni í fjør. Skotska vaktar- og bjargingartænastan sleipaði Varðborg aftur til Peterhead, og har sløkti sløkkiliðið í býnum eldin.</div><div><br></div><div>Eldurin varð sløktur góðar fimm tímar eftir at hann kyknaði. Manningin á Varðborg, 14 mans, fór ikki av skipinum. Eingin fólkaskaði hendi.</div><div><br></div><div><b>Skiftu pakning</b></div><div><br></div><div>Meðan Varðborg var í Peterhead, var fólk frá einari fyritøku haðani um borð og skifti ein pakning í smyrjioljuskipanini. Nýggi pakningurin var úr tundri.</div><div><br></div><div>Skipaeftirlitið heldur, at antin toldi nýggi pakningurin ikki trýstið, ella vóru boltarnir rundan um pakningin ikki nóg væl spentir eftir umvælingina. Ella lak rørið, sum pakningurin var settur í. Í triðja lagi kann orsøkin vera ein samanrenning av pakninginum og tærda rørinum.     </div><div><br></div><div>Betri er at brúka gummipakningar, ikki tundur, sigur Skipaeftirlitið. </div><div><br></div><div><b>Sambandið slitnaði</b></div><div><br></div><div>Skipaeftirlitið kom til ta niðurstøðu, at sambandið millum brúnna og neyðavbrótaran til høvuðsmotorin var slitnað, tí kaðalin var skaddur í maskinrúminum, antin av elli ella av ristingum. </div><div><br></div><div>Skiparin greiddi frá, at neyðavbrótarin var royndur um várið, óhappið var 1.juli, og tá riggaði hann. </div><div><br></div><div>Neyðavbrótarar eiga at verða royndir í minsta lagi triðja hvønn mánað, sigur Skipaeftirlitið. Og uttan at kunna geva felagnum í Peterhead, sum skifti pakningin, nakra skyld, mælir Skipaeftirlitið manningum til altíð at kanna arbeiði, sum fólk úr landi gera umborð.</div><div><br></div><div><br></div><div><br></div>