Fjalshamar og Nónhamar samtrola eftir makreli

Fiskimálaráðið hevur fingið umsókn um eina royndarverkætlan, har makrelur verður pumpaður umborð á eitt verksmiðjuskip, meðan hann verður fiskaður

Fjalshamar og Nónhamar skulu samtrola eftir makreli, og samstundis skal fiskurin pumpast umborð á eitt verksmiðjuskip.

Høgni Djurhuus

Johnsigurd Johannesen

22.06.2012 - 12:46

<div>Tað eru ikki bara teir á skipunum hjá Varðanum, sum royna at fáa betri fisk og betri prís við at pumpa makrelin livandi umborð í somu løtu, hann kemur í posan.</div><div><br></div><div>Í dunganum av umsóknum, sum liggur í Fiskimálaráðnum, um loyvi at fiska makrel í ár er ein frá trimum feløgum, sum biðja um 12.000 tons um árið í trý ár til eina royndarverkætlan.</div><div><br></div><div>Feløgini Nípan, AMD og Thor ætla at lata tveir gamlar ísfiskatrolarar samtrola, og samtundis skal makrelurin pumpast um borð á verksmiðjuskip, sum siglir saman við trolarunum.</div><div><br></div><div>Feløgini hava keypt trolararnar Fjalshamar og Nónhamar til royndina. Feløgini sendu Fiskimálaráðnum umsóknina fyrst í februar í ár, men hava ikki fingið svar.</div><div><br></div><div>Rógvi Reinert, aðalstjóri í Fiskimálaráðnum, sigur, at freistin at søkja um makrel til vinnuligar royndir er ikki farin fyrr enn á midnátt í kvøld.</div><div><br></div><div>Umsóknirnar verða tí ikki viðgjørdar fyrr enn í næstu viku. 8.000 tons av makreli eru sett av til vinnuligar royndir.   </div>