- Tíðindi, mentan og ítróttur
Starvsmannafelagið krevur lønarhækking
<p>Starvsmannafelagið fer at krevja lønarhækking í sáttmálasamráðingunum í heyst.</p><div><br></div><div>- Tað er ógvuliga umráðandi, at vit fáa eina lønarhækking hesa ferð. Allir prísir eru hækkaðir, so tað er eyðsæð, at vit skulu hava eina lønarhækking, sigur Selma Ellingsgaard, forkvinna í Starvsmannafelagnum, við Sosialin.</div><div><br></div><div>Sáttmálin fer úr gildi 1. oktober, men partarnir hava avtalað at hava fyrsta samráðingarfundin fyri summarfrítíðina. </div><div><br></div><div>Meðan hini feløgini, sum Starvsmannafelagið samráddist saman við í fjør, góðtóku at fáa 220 krónur aftrat um mánaðin, fekk Starvsmannafelagið onga lønarhækking í sín sáttmála, sum varð longdur til 1. oktober í ár. Felagið helt, at henda upphædd var láturliga lítil.</div><div><br></div><div> Hinvegin vóru onkrar tillagingar gjørdar í sáttmálanum.</div><div><br></div><div>Selma Ellingsgaard sigur við Sosialin, at Starvsmannafelagið góðtekur framvegis ikki, at flatskatturin verður tengdur upp í sáttmálasamráðingarnar.</div>
