- Tíðindi, mentan og ítróttur
Almennu partafeløgini góvu 10 mió. meir enn væntað
<div>Landskassin fekk í fjør 10 milliónir krónur meira enn væntað burtur úr partafeløgunum, sum landið eigur í.</div><div><br></div><div>Sambært fíggjarlógini fyri 2011 skuldi landið fáa 13 milliónir í vinningsbýti í fjør. Men 23 milliónir komu í landskassan.</div><div><br></div><div>BankNordik, har landið umvegis Fíggingargrunnin eigur triðingin, gav 12 milliónir, sjey meira enn væntað. </div><div><br></div><div>Atlantic Airways, sum landið eigur tveir triðingar av, gav fimm milliónir í vinningsbýti, og frá FT Samskifti, sum landið eigur einsamalt, fekk landskassin seks milliónir í vinningsbýti í fjør, sambært frágreiðing frá Landsgrannskoðanini til løgtingsgrannskoðararnar um frávik millum játtan og nýtslu í 2011. </div><div><br></div><div><b>Oljuvinnan einki gullnám</b></div><div><br></div><div>Oljuvinnan var ikki tað stóra gullnámið hjá landskassanum í fjør. Í fíggjarlógini er roknað við roknað við fýra milliónum í kolvetnisskatti. Men har komu bara 800.000 kr. frá boringini hjá italska oljufelagnum ENI síðst í 2010.</div><div><br></div><div>Nakað er komið afturat í ár, men inntøkan frá hesi boringini er minni enn mett varð. Orsøkin er, at felagið, sum boraði, hevði hall, upplýsir landsstýrið.</div><div><br></div>
