- Tíðindi, mentan og ítróttur
Fimm tilboð upp á Fámará
<div><div>Tann, sum hevur hægsta boð upp á festið í Fámará í Vágs kommunu, er biðin um at søkja Búnaðarstovuna um festið.</div><div><br></div><div>Tað upplýsir Jens Andrias Vinther, advokatur, sum lýsti Fámará til sølu fyri Búnaðarstovuna. </div><div><br></div><div>Fimm tilboð komu, og hægsta boðið er 520.000 kr. Tann, sum hevur hetta boðið, kann nú søkja um at fáa festið. </div><div><br></div><div>Tá Búnaðarstovan hevur fingið umsóknina, ger hon uppskot um festibræv, sum Búnaðargrunnurin skal góðkenna. Tá Búnaðargrunnurin hevur góðkent festibrævið verður tað tinglýst, og tá hevur Fámará fingið nýggjan festara. </div></div><div><br></div><div>Festið í Fámará hevur ikki havt festara í nógv ár, men bara uppsitara, sum ansaði eftir bygningum og øðrum, sum hoyrir til festið. Nú verður festið selt tí, sum hevur hægsta boð, so Fámará kemur inn í festiskipanina, sum kom í 2007.</div><div><br></div><div>Festarin skal hava í minsta lagi tvey ára royndir frá arbeiði í landbúnaði, umframt í minsta lagi hálvt ár á landbúnaðarskúla ella góðkent kvøldskúlaskeið í landbúnaði. Festarin skal hava fastan bústað í Suðuroynni, men festaranum nýtist ikki at búgva í Fámará. </div><div><br></div>
