- Tíðindi, mentan og ítróttur
Gera niðurstøðu um blokk og sendistovu í dag
<div>Landsstýrismálanevndin fer í dag at taka avgerð um kærurnar um løgmann og landsstýrismannin í fíggjarmálum</div><div><br></div><div>Høgni Hoydal, løgtingsmaður, sigur, at teir hava brotið stýrisskipanarlógina, tí Uttanlandsnevndin hjá løgtinginum ikki varð kunnað, áðrenn samráðingar vóru við donsku stjórnina um at hækka blokkstuðulin, og avgerð varð tikin um at steingja sendistovuna í London og flyta virksemið til Brússel.</div><div><br></div><div>Kæran hevur verið til hoyringar hjá Kaj Leo Holm Johannesen og Jørgeni Niclasen, sum vísa aftur, at teir hava brotið nakra lóg.</div><div><br></div><div>Landsstýrismálanevndin fer í dag at gera sína niðurstøðu. </div><div><br></div><div><b>Eisini kæra um makrelbýtið</b></div><div><br></div><div>Nevndin hevur eina aðra kæru frá Høgna Hoydal. Hon er um makrelbýtið.</div><div><br></div><div>Høgni Hoydal kærdi løgmann og Jacob Vestergaard, landsstýrismann í fiskivinnumálum, fyri heimildarloysi og ólógligar avgerðir í fyrisitingini av makrelfiskiskapinum í 2012. </div><div><br></div><div>Nevndin hevur sent kæruna til hoyringar hjá løgmanni og landsstýrismanninum í fiskivinnumálum og fer síðani at viðgera málið aftur eftir ólavsøku, sigur Sirið Stenberg, forkvinna í nevndini.</div><div><br></div><div><b>Skattastigin</b></div><div><br></div><div>Harafturat hevur Landsstýrismálanevndin eina kæru frá fýra andstøðutingfólkum, sum kærdu Jørgen Niclasen, landsstýrismann í fíggjarmálum, tí hann við kunngerð ætlaði at sleppa AT prístalsviðgera skattastigan.</div><div><br></div><div>Tað halda Kristina Háfoss, Eyðgunn Samuelsen, Helena Dam á Neystabø og Poul Michelsen er brot á stýrisskipanarlógina, tí skattur kann bara ásetast við lóg, ikki við kunngerð. Lógarbroytingin bleiv ikki avgreidd í tinginum, tí løgmaður vildi sleppa at kanna hana fyrst. Løgmansskrivstovan verður liðug við hesa kanning hálvan juli.</div><div><br></div><div>Landsstýrismálanevndin bíðar nú eftir Løgmansskrivstovuni.</div><div><br></div>
