- Tíðindi, mentan og ítróttur
Próvtøl eftir gamla stiganum eitt ár afturat
<div>Øll tey, sum í hesum døgum fáa prógv, hava fingið próvtøl eftir tí gamla próvtalsstiganum. </div><div><br></div><div>Føroyar eru nú einasta landið í heiminum, sum framvegis nýtir gamla 13-talsstigan. Hesin stigin verður brúktur eitt ár afturat, og tey fyrstu, sum fáa prógv eftir nýggja 12-talsstiganum, vera tey, sum byrja í 9. flokki um eitt ár. </div><div><br></div><div>At føroyskir næmingar framvegis verða dømdir eftir gamla stiganum, merkir, at teir fáa próvtøl sum 5,6, 9 og 13, men lesa tey aðrastaðni, eita tølini -3, 2, 4 og 12. </div><div><br></div><div>Og hesi tølini mugu vit venja okkum við, tí ongin annar uttan føroyska undirvísingarverkið nýtir gamla próvtalsstigan, sum hevur trý tøl fleiri enn tann nýggi stigin.</div><div><br></div><div><b>Lættari at samanbera</b></div><div><br></div><div>Nýggi stigin varð tikin í nýtslu í Danmark í 2006, tí tað skuldi verða lættari at samanbera við próvtøl, sum vóru nýtt í øðrum londum. </div><div><br></div><div>Hjá okkum hevur drigið út at seta nýggju próvtølini í gildi, men nú er so avgjørt, at nýggi stigin skal koma í gildi í fólkaskúlanum 1. august næsta ár. Og tað vera tey, sum tá byrja í 9. flokki, ið fáa prógv eftir nýggja próvtalsstiganum. </div><div><br></div><div>Miðnámsskúlarnir hava bíðað eftir einari nýggjari miðnámsútbúgving, og vilja ikki seta nýggju próvtølini í gildi, fyrr enn hon er farin at virka. Nú verður miðað eftir at hava hana lidna um eitt ár, og verður hon tað, fáa tey, sum byrja tá, próvtøl eftir nýggja stiganum.</div><div><br></div><div>Á fleiri útbúgvingarheimasíðum ber til at umrokna gomlu próvtølini til tey nýggju.</div><div><div> </div></div>
