- Tíðindi, mentan og ítróttur
Sjagaklettur og Gullberg fiska makrel
<div>Teir fyrstu ísfiskatrolararnir eru nú farnir at royna eftir makreli norðan fyri Føroyar. </div><div><br></div><div>Tað eru teir báðir hvalbiartrolararnir, Sjagaklettur og Gullberg. Hetta er samstundis fyrsti túrurin, síðani teir komu í flotan í mai.</div><div><br></div><div>Sjagaklettur og Gullberg partrola og heilfrysta makrelin umborð. Og sum skilst hevur gingið hampiliga væl við veiðuni hesa fyrstu vikuna. Lítið av sild er uppi í veiðini. Teir royna á somu leið sum fleiri av nótaskipunum, í ein landnyrðing úr Fugloynni.</div><div><br></div><div><b>850 tons í part</b></div><div><br></div><div>Í fyrsta umfari hava teir báðir hvalbiartrolararnir fingið tillutað 850 tons av makreli í part. Teir kunnu í mesta lagi hava 10 prosent av sild sum hjáveiðu, og higartil hevur nøgdin av sild verið væl undir tað markið. </div><div><br></div><div>Allir trolararnir í hesum bólkinum hava fingið makrelkvotu, men hon er ikki umsetilig. Sum skilst fellur tað, ið ikki verður fiskað, aftur til landið, og so verður tað býtt út av nýggjum.</div><div><br></div><div>Felagið Jókin keypti Sjagaklett og Gullberg úr Murmansk í Russlandi fyri tilsamans 64 milliónir krónur. Teir eru merktir 837 bruttotons hvør og eru bygdir í Týsklandi í 1996 og 1997. </div>
