- Tíðindi, mentan og ítróttur
Fulla last undan Íslandi
<div>Útróðrarbátarnir Kallanes og Líðhamar, sum hava verið á snelluveiðu undir Íslandi, komu í nátt og í morgun á Klaksvík við fullari last, skrivar Norðlýsið.</div><div><br></div><div>Kallanes hevur 60.000 pund. Teir hava roynt undir Íslandi í góð fimm samdøgur.</div><div><br></div><div>Eyðálvur Vang, skipari á Kallanesi, sigur við blaðið, og fiskiskapurin var misjavnur. Onkran dag fingu teir 18.000 pund, og onkran annan dag 4.000 pund.</div><div><br></div><div>Líðhamar hevur um 100.000 pund. Túrurin vardi í níggju samdøgur, og teir fiskaðu í góð seks samdøgur.</div><div><br></div><div><b>Gadus eisini góðan túr</b></div><div><br></div><div>Flakatrolarin Gadus hevur gjørt ein góðan túr. Skipið verður á Klaksvík týsdagin við 730 tonsum í flaki. Talan er um toska- og hýsuflak, sigur reiðarin, Hanus Hansen, við Norðlýsið.</div><div><br></div><div>Túrurin hjá Gadusi er góður, tí skipið byrjaði fiskiskap 27. mai.</div><div><br></div><div>Hanus Hansen sigur við blaðið, at reiðaríið framvegis leitar eftir øðrum skipi fyri Gadus, og at eitt annað skip helst kemur í flotan seinni í ár.</div><div><br></div>
