- Tíðindi, mentan og ítróttur
Landsstýrismálanevndin fríkennir Kaj Leo og Jørgen
<div>Eftirlitið hjá løgtinginum við landsstýrinum hevur fríkent løgmann og landsstýrismannin í fíggjarmálum.</div><div><br></div><div>Teir brutu ikki stýriskipanarlógina, tá danska stjórnin varð biðin um at hækka blokkin, ella tá løgmaður avgjørdi at lata sendistovuna í London aftur. </div><div><br></div><div>Fýra dagar, áðrenn nýggj samgonga varð skipað eftir valið í fjør, skrivaði Kaj Leo Holm Johannesen, løgmaður, til danska forsætisráðharran og bað um, at heildarveitingin hækkaði 150 til 200 mió. kr. í 2012. </div><div><br></div><div><b>Hevði fulla heimild</b></div><div><br></div><div>Landsstýrismálanevndin sigur, at løgmaður hevði fulla heimild at virka sum løgmaður, áðrenn nýggj samgonga varð skipað, tí hann bað ongantíð um at verða loystur úr starvinum. Hann breyt tí ikki stýriskipanarlógina við at senda forsætisráðharranum bræv um blokkin. </div><div><br></div><div>Men hann breyt sína egnu fráboðan til landsstýrisfólkini um ikki at nýta ella misnýta starv sítt í valstríðnum og til nýggj samgonga var skipað, sigur Landsstýrismálanevndin. </div><div><br></div><div>Meirilutin í Landsstýrismálanevndini heldur ikki, at tað løgfrøðiliga kann staðfestast, at løgmaður og Jørgen Niclasen, landsstýrismaður í fíggjarmálum, hava brotið stýrisskipanarlógina, tí teir ikki ráðførdu seg við Uttanlandsnevndina um blokkstuðulssamráðingarnar. </div><div><br></div><div>Forkvinnan í nevndini, Sirið Stenberg, heldur tó, at teir báðir áttu at ráðført seg við Uttanlandsnevndina um blokkin, tí hetta er stórmál. </div><div><br></div><div>Landsstýrismálanevndin sigur, at løgmaður breyt heldur ikki stýriskipanarlógina, tí hann ikki ráðførdi seg við Uttanlandsnevndina, áðrenn hann stongdi sendistovuna í London. </div><div><br></div><div><b>Vilja hava reglur um ráðførslu</b></div><div><br></div><div>Í framhaldi av tí vil landsstýrismálanevndin hava greiðar reglur, nær landsstýrið ráðførir seg við Uttanlandsnevndina.</div><div><br></div><div>Eingin greið mannagongd er, nær ráðførsla er við Uttanlandsnevndina. Í summum førum tykist ráðførsla vera í smámálum, og í øðrum førum í stórmálum, sigur Landsstýrismálanevndin. </div><div><br></div><div>Ein vegleiðing eigur at verða gjørd, so tað ikki verður tann til eina og hvørja tíð sitandi løgmaður ella landsstýrisfólk, sum frítt kunnu avgera, hvat tey ráðføra seg við Uttanlandsnevndina um, sigur Landsstýrismálanevndin.</div><div><div><br></div><div><br></div><div><br></div></div><div><br></div><div><br></div><div><br></div><div><br></div><div><div><br></div><div><br></div></div><div><br></div><div><br></div><div><br></div><div> </div><div><br></div>
