Móttøkuskipini bíða enn

Fiskimálaráðið er ikki liðugt at viðgera umsóknirnar frá teimum, sum ætla at fáa skip í føroyskan sjógv at taka ímóti makreli í summar

Lafayette er eitt av skipunum, sum hevur biðið um loyvi at taka ímóti makreli í summar.

Høgni Djurhuus

Johnsigurd Johannesen

29.06.2012 - 12:15

<div>Fiskimálaráðið viðger framvegis umsóknirnar frá teimum 11 móttøkuskipunum, sum ætla sær lut í føroysku makrelveiðuni í ár. Einki móttøkuskip hevur fingið loyvi enn.</div><div><br></div><div>Fiskimálaráðið viðger eisini tær nógvu umsóknirnar um at sleppa at gera vinnuligar makrelroyndir. </div><div><br></div><div>5.000 tons eru sett av til vinnuligar makrelroyndir, har sum dentur skal leggast á menning og nýskapan. Fiskimálaráðið sendir umsóknirnar, sum koma upp á tal, til ummælis hjá Havstovuni ella øðrum serkønum.</div><div><br></div><div>Harafturat eru 4.000 tons, sum skulu brúkast til vísindaligar royndir eftir tilmæli frá Havstovuni. Ikki er klárt enn at fara undir hesar royndirnar.</div><div><br></div><div>Og landsstýrið hevur 3.000 tons at brúka í samráðingum um fiskirættindini við onnur lond. </div><div><br></div><div>Hini 128.150 tonsini eru býtt millum skipabólkarnar, annaðhvørt sum eginkvotur ella sum felagskvotur við hámarki. </div>