Arbeiði uppá Saltsiloina skal bjóðast út í heyst

Arbeiðið at umvæla Saltsiloina á Drelnesi verður, sambært teirri tíðarætlan, sum nú er, boðið út í oktober.

30.06.2012 - 21:36

<div>Eftir einum uppskoti um tíðarætlan frá november í fjør skuldi arbeiðið bjóðast út tíðliga í vár. Og arbeiðið skuldi verið byrjað nú. Tað fyrsta, sum verður gjørt, verður at stíva alt av og beina fyri øllum, sum ikki kann brúkast, sigur Albert Isfeldt, arkitektur. </div><div><br></div><div>Ódnirnar í vetur hava longu gjørt nakað av arbeiðinum at bróta niður. </div><div><br></div><div>Serliga krevjandi verður stóra betongarbeiðið, sum skal gerast fyri at varðveita betongbogarnar. Tað eru teir, sum byggifrøðiliga gera siloina sermerkta.      </div><div><br></div><div>Saltsilogrunnurin hevur fingið 20 milliónir úr landskassanum, 20 milliónir úr Maersk-grunninum og 18 milliónir úr Statskassanum til at umvæla Saltsiloina, sum skal brúkast sum mentanarhús.</div><div><br></div><div>Landsverk hevur eftirlit við, at pengarnir ikki vera latnir i einum, men so hvørt sum arbeiðinum líður. Landsverk skal boða Fíggjarmálaráðnum frá, nær pengar verða latnir og fyri hvat.</div><div><br></div><div>Upprunaliga varð mett, at arbeiðið at umvæla Saltsiloina fer at taka tvey ár.</div><div><br></div><div><br></div>