- Tíðindi, mentan og ítróttur
Færri føroyingar eru í fátækraváða
<div>Fátækraváðin í Føroyum er minkaður eitt vet samanborið við í fjør.</div><div><br></div><div>Tað vísir ein nýggj lýsing, sum Hagstovan hevur gjørt. Samstundis eru færri fólk í fátækraváða í Føroyum enn í øðrum londum. Hjá okkum eru tað 8,5% og í hinum Norðanlondunum liggur tað millum 11 og 13%. Og tey, sum eru í fátækaváða, eru munandi minni fátøk enn í øðrum londum. </div><div><br></div><div>Inntøkan hjá 4.000 føroyingum er so lítil, at tey eru í fátækraváða. Men tað merkir ikki tað sama, sum at tey eru eru fátæk. </div><div><br></div><div>Føroyar hava framvegis einki fátækramark, og fátækraváði er ikki tað sama sum fátækramark. Vit hava einki alment fátækramark í Føroyum, og tað hava grannalondini hjá okkum heldur ikki.</div><div><br></div><div><b>Eiga pengar ella hús</b></div><div><br></div><div>Lýsingin hjá Hagstovuni umfatar bara inntøkuna hjá fólki. Hóast fólk hava lítla inntøku, nýtast tey ikki at vera fátæk, tí tey kunnu eiga pengar á bók ella eini hús. </div><div>Parturin av fólkinum í fátækraváða eru tey, sum hava minni inntøku enn 60% av miðalinntøkuni í landinum. </div><div><br></div><div>Stakir uppihaldarar eru í størsta fátækraváða - 53,5% fyri tey, sum hava barn millum 0-5 ár, og 30,6% fyri tey, sum hava barn millum 6-17 ár, samanborið við 8,5% fyri alt húskið. </div><div><br></div><div>Eftir aldursbólkum eru tað tey 67 ára gomlu og tey eldru, sum eru flest í fátækraváða. Hetta talið er 17,2%, men tey eru tó tættari uppi undir markinum enn øll hini í fátækraváða. </div><div><br></div><div>Til ber at fáa nógv meira at vita um lýsingina á heimasíðuni hjá Hagstovuni, <b>hagstova.fo </b></div><div><br></div><div><b>Meiri verður at frætta í útvarpstíðindunum.</b></div>
