- Tíðindi, mentan og ítróttur
Gongur væl at bora í Brugduni
<div>Tvær vikur eru, síðani sett varð á at bora á Brugdu-leitimiðinum á føroyska landgrunninum. Og tað gongur væl at bora, skrivar Oljan.fo.</div><div><br></div><div>Hetta er áttandi brunnurin, sum verður boraður á føroyskum øki, og tað gongur væl hjá kinverska boripallinum "Cosl Pioneer". Borast skulu millum 4 og 5 kilometrar niður, og av teimum eru 2.000 metrar av basalti.</div><div><br></div><div>Veðrið hevur verið til vildar hesar fyrstu vikurnar, tó at onkran dag hevur vindurin verið nógvur. </div><div><br></div><div><b>4-5 mánaðir</b></div><div><br></div><div>Statoil hevur boðað frá, at boringin fer at taka millum 4 og 5 mánaðir, og tað merkir, at komið er á mál í november, alt eftir hvussu væl gongur at bora gjøgnum harða basaltið. </div><div><br></div><div>Nógv fólki er knýtt at hesi verkætlanini, sum er størsta einstaka verkætlanin í føroyskari søgu. Á boripallinum eru einir seks føroyingar. Harafturat koma manningarnar á hjálpar- og veitingarskipum, starvsfólkini í oljuhavnini í Runavík og aðrir undirveitarar av eitt nú provianti, olju og øðrum. Aftrat teimum eru fólkini á skrivstovunum í Havn og í Stavanger, skrivar Oljan.fo.</div><div><br></div>
