- Tíðindi, mentan og ítróttur
Ólag á netbankanum
<div>Ólag er á netbankanum í dag. Síðani eina ferð í gjár hevur illa borið til, ella ikki borið, til at brúka netbankarnar.</div><div><br></div><div>Eik Banki sigur á heimasíðu síni, at danski veitarin av tænastuni, SDC, arbeiðir við at rætta brekið.</div><div><br></div><div>Danskir miðlar vita at siga, at tað er eitt ókent brek, sum er orsøk til, at fleiri hundrað túsund bankakundar í øllum Norðurlondum, Svøríki undantikið, ikki hava fingið atgongd til sín heimabanka.</div><div><br></div><div>Trupulleikin kom á middegi í gjár, tá tað fór at taka langa tíð at fáa svar frá tænastuni.</div><div><br></div><div>Tænastan hevur verið svikalig í dag.</div><div><br></div><div><b>Rakar misjavnt</b></div><div><br></div><div>Niels Joensen, privatkundaleiðari hjá BankNordik, sigur við útvarpið, at tað er misjavnt, hvussu brekið rakar. Summi kunnu brúka netbankan, meðan onnur ikki sleppa ígjøgnum, ella verða blakað av.</div><div><br></div><div>Hann kann einki siga um, hvat orsøkin er til brekið, ella nær tænastan fer at rigga aftur.</div><div><br></div><div>Fyrr í dag varð sagt, at brekið varð rættað, men nú vísa trupulleikar seg at vera kortini.</div><div><br></div><div>Børsen sigur á netinum, at SDC í løtuni er í holt við eina størri umlegging av rakstrinum til eina fyritøku, sum eitur JN Data. Men tað ber ikki til at siga, um orsøkin til brekið er at finna í SDC ella hjá JN Data.</div><div><br></div>
