- Tíðindi, mentan og ítróttur
Forkvinnan: Stýrisskipanarlógin er brotin
<p>Hóast tað ikki løgfrøðiliga kann staðfestast, at løgmaður og landsstýrismaðurin í fíggjarmálum hava brotið stýrisskipanarlógina, tí teir ikki ráðførdu seg við uttanlandsnevndina um samráðingar um blokkstuðulin, heldur minnilurin í landsstýrismálanevndini, Sirið Stenberg, at lógin er brotin.</p><div>Sirið Stenberg úr Tjóðveldi er forkvinna í landsstýrismálanevndini.</div><div><br></div><div>Sambært stýrisskipanarlógini skal landsstýrið ráðføra seg við uttanlandsnevndina um mál millum Føroyar og Danmark, sum hava stóran týdning.</div><div><br></div><div>Sirið Stenberg heldur, at málið um blokkstuðulin hevur stóran týdning, og tí er stýrisskipanarlógin brotin, sigur hon.</div><div><br></div><div>Sirið Stenberg sigur, at landsstýrismálanevndin má hava loyvi til at hava politiskar tulkingar eins og tey í landsstýrinum. Annars stendur tulkingin hjá eitt nú løgmanni einsamøll eftir, og hann hevur tulkingarrrættin.</div><div><br></div><div>- Landsstýrismálanevndin skal ikki bara gera løgfrøðiligar niðurstøður. Annars er eingin meining í at hava nevndina, sigur Sirið Stenberg.</div><div><br></div><div><b>Meiri verður at frætta í útvarpstíðindunum. </b></div>
