- Tíðindi, mentan og ítróttur
Nógv færri klagur
<div>Løgtingsins umboðsmaður fekk nógv færri klagur í fjør enn undanfarin ár. 60 mál vórðu stovnað í fjør, og 46 teirra vórðu eisini avgreidd í fjør. Harafturat vórðu 15 mál frá 2009 og 2010 avgreidd í fjør.</div><div><br></div><div>Men higartil í ár er talið vaksið aftur, stendur í ársfrágreiðingini fyri 2011. </div><div><br></div><div>Løgtingsins umboðsmaður vísti frá sær 49 klagum í fjør. Tað eru eisini nógv fleiri enn onnur ár.</div><div><br></div><div><b>Flestu klagur vístar aftur</b></div><div><br></div><div>Í flestu førum, tá klagur verður avvístar, metir Umboðsmaðurin ikki, at grundarlag er fyri at gera fleiri kanningar í málinum. Í øðrum førum eru aðrir kærumøguleikar ikki royndir fyrst, málið er uttan fyri heimildarøkið hjá Løgtingsins umboðsmanni, ella er klagan komin ov seint.</div><div><br></div><div>Millum 50 og 75 prosent av klagunum, sum Umboðsmaðurin fær, verða avvístar. </div><div><br></div><div>Av tí at so fáar klagur komu í fjør, vóru stundir til at kanna og vitja stovnar, sum hýsa okkara veikastu samfelagsborgarum, sigur Løgtingsins umboðsmaður. </div><div><br></div><div><br></div><div><br></div>
