- Tíðindi, mentan og ítróttur
Ísland ikki slakað í makrelmálinum
<div>Ísland hevur ikki slakað fyri ES og Noregi í makrelmálinum. Tað sigur íslendski fiskimálaráðharrin, Steingrímur J. Sigfússon, við íslendska kringvarpið.</div><div><br></div><div>Í gjár boðaðu Maria Damanaki, fiskivinnukommisserur í ES, og norski fiskimálaráðharrin, Lisbeth Berg-Hansen, frá ráðharrafundi um makrel í London tann 3.september. Fundurin verður millum ES, Noreg og Ísland. Føroyar eru ikki nevndar í fráboðanini.</div><div><br></div><div>Jacob Vestergaard, landsstýrismaður, segði við Útvarpið í gjár, at ES og Norra hava valt nýggjan taktikk í makrelmálinum og royna nú at fáa semju við Ísland.</div><div><br></div><div>Støðan í makrelstríðnum er óbroytt, segði íslendski fiskimálaráðharrin í gjár. </div><div><br></div><div>Steingrímur J. Sigfússon segði við íslendska kringvarpið, at Ísland fiskar 15-16 prosent av heildarkvotuni, men ES og Norra bjóða teimum minni enn tíggju prosent:</div><div><br></div><div><b>Ikki bjartskygdur</b></div><div><br></div><div>Íslendski fiskimálaráðharrin, sigur, at hann er ikki alt av bjartskygdur, men fráboðaði fundurin í London fyrst í september hevur eitt ávíst signalvirði. Og tað er rætt at fara á tann fundin.</div><div><br></div><div>Hetta er tó eitt torført mál at loysa, tí talan er um so øgiliga nógvar pengar, og langt, líka langt, sum tað var, er enn millum partarnar. </div><div><br></div><div>Maria Damanaki segði í Reykjavík í gjár, at hon ivast í, um til ber at samráðast við Ísland, sum vil sleppa upp í ES, um fiskivinnumál, so leingi makrelósemjan ikki er loyst.</div><div><br></div><div>ES hevur slakað nógv, og hevur boðið Íslandi 60 prosent meira av makrelkvotuni enn fyri trimum árum síðani. </div><div> </div>
