Fiskimálaráðharrar: Útblaking skal steðga

Hóast fiskimálaráðharrarnir eru samdir um, at fiskur ikki skal tveitast fyri borð, er einki evstamark ásett

Mett verður, at sjey milliónir tons av fiski verða tveitt fyri borð um árið.

06.07.2012 - 09:57

<div>At tveita fisk fyri borð aftur eigur at steðga.</div><div><br></div><div>Tað staðfesta fiskimálaráðharrarnir og landsstýrismenninir, sum hava havt fund í Reykjavík í hesi vikuni.</div><div><br></div><div>Einki evstamark var kortini sett fyri, nær útblakingin skal steðga - annað enn í "næstu framtíð."  Mett verður, at hvørt ár verða okkurt um sjey milliónir tons av fiski tveitt fyri borð aftur.</div><div><br></div><div>Ráðharrar og landsstýrismenn úr Kanada, ES, Íslandi, Russlandi, Norra, Føroyum og Grønlandi hittast hvørt ár at viðgera fiskivinnuna í Norðuratlantshavi. Hesi londini eiga okkurt um 20 prosent av heimsins fiskiveiðu.</div><div><br></div><div>Í ár var ráðharrafundurin í Reykjavík. </div><div><br></div><div>Fundurin viðgjørdi eisini marknaðarviðurskifti og úrslitið av ST-ráðstevnuni, Rio+20, um burðardygga menning. </div>