- Tíðindi, mentan og ítróttur
Gloymdu at boða frá partabrævahandli
<div>Eitt mistak hjá Eik gjørdi, at ein fráboðan um ein partabrævahandil kom tríggjar mánaðir ov seint. Eik skundaði sær at boða frá, tá tey varnaðust mistakið í gjár. </div><div><br></div><div>TF Holding harmast um, at dótturfelagið Eik Banki ikki alt fyri eitt boðaði frá, at ognin hjá Eik í Atlantic Petroleum minkaði síðst í mars, tá Eik seldi Atlantic Petroleum 4.000 partabrøv í Atlantic Petroleum. </div><div><br></div><div>Við søluni minkaði eisini ognin, og samstundis atkvøðurnar, hjá TF Holding í Atlantic Petroleum. </div><div><br></div><div>TF Holding sigur í fráboðan í gjár, at eftir handilin boðaði Eik Markets ikki frá, at luturin hjá Eik í Atlantic Petroleum var farin niður um 10 prosent. </div><div><br></div><div>Ikki fyrr enn í gjár varnaðust tey í Eik Markets mistakið, og tað harmast TF Holding um í fráboðan, sum varð send millum annað Fíggjareftirlitinum í gjár. </div><div><br></div><div><b>Niður um 10 prosent</b></div><div><br></div><div>Tann 29.mars í ár átti TF Holding 10,02 prosent av Atlantic Petroleum, Eik Banki átti 6,71 prosent og eitt annað dótturfelag hjá TF Holding, TF Íløgur, átti 3,31 prosent. </div><div><br></div><div>Men dagin eftir, tann 30.mars, seldi Eik Banki Atlantic Petroelum 4.000 partabrøv. </div><div><br></div><div>Nú fór luturin hjá TF Holding niður um 10 prosent. Hann er nú 9,87 prosent. Tað átti Eik Markets at havt boðað frá alt fyri eitt. </div><div><br></div><div>Men tað varð ikki gjørt fyrr enn í gjár, tá tey varnaðust mistakið, stendur í fráboðan frá TF Holding, sum Atlantic Petroelum, sum er børsskrásett felag, sendi víðari. </div><div><br></div><div><br></div>
