Sudan og Suður-Sudan samd

Sudan og Suður-Sudan eru samd um at royna at finna eina loysn á kreppuni millum londini á ein friðarligan hátt.

Flóttar bíða eftir flutningi í Suður-Sudan.

08.07.2012 - 09:48

<div>Fyribils er marknaðarøkið millum londini ikki partur av hesi semjuni.</div><div><br></div><div>- Vit eru samd um at hvørgin parturin skal brúka makt fyri at loysa ósemjurnar, umframt at fíggindaskapurin skal steðgast, segði verjumálaráðharrin hjá Sudan, Abdelrahim Mohamed Hussein, í morgun, sambært norsku tíðindastovuni NTB.</div><div><br></div><div>Tey bæði londini hava alt vikuskiftið sitið á friðarfundum, sum afrikanska samveldi (AU) hevur skipað fyri. Fleiri royndir at finna eina semju um hvar markið millum londini skal vera og hvussu oljuinntøkurnar skulu býtast, eru higartil endaðar úrslitaleysar. Men í morgun siga partarnir at teir síggja ljóst uppá støðuna, og at teir rokna við at koma fram til eina semju.</div><div><br></div><div><p><br></p></div>