Bardagarnir nærkast miðbýnum í Damaskus

Samstundis um altjóða meklarin í stríðnum í Sýrialandi, Kofi Annan, er staddur í sýriska høvuðsstaðnum, nærkast bardagarnir sjálvum miðbýnum

Spreingingar og skot frá automatvápnum hava verið at hoyrt tætt við sjálvan miðbýin í sýriska høvuðsstaðnum, Damaskus.

Grækaris Djurhuus Magnussen

09.07.2012 - 16:18

<p>Spreingingar og skot við automatvápnum hoyrdust í morgun av Al Abbasiyeen-plássinum mitt í Damaskus. Húsini skulvu, meðan bardagarnar vóru, siga íbúgvar við DPA-tíðindastovuna.</p><div><br></div><div>Bardagarnir vóru nærindis húsunum, har Kofi Annan helt til, og har ST-eyðgleyðararnir hava høvuðsstøð. Kofi Annan sigur, at fyri at fáa eina loysn á stríðnum, er neyðugt at bæði Russland og Iran koma inn í málið.</div><div><br></div><div>- Russland hevur ávirkan, men eg ivist í, um Russland einsamalt broytir málið munandi. Iran má eisini verða ein partur av loysnini, landið hevur ávirkan, og tað kunnu vit ikki síggja burtur frá, sigur Kofi Annan við ávísuna Le Monde.</div><div><br></div><div>Bashar al-Assad segði í vikuskiftinum, at Kofi Annan ger eitt gott arbeiði. Men lond sum USA órógva arbeiðið og eina møguliga friðarætlan, segði hann við týskt sjónvarp í vikuskiftinum.</div><div><br></div><div>Kelda: DPA og Aftenposten</div>