Væl nøgdir við pumpuna

Herfyri fingu skipini hjá Varðanum í Gøtu nýggja pumpu, og síðan hevur fiskurin verið í nógv betri standi, tá hann kemur umborð.

Á Varðanum í Gøtu fegnast tey um nýggju pumpuna, sum skipini hava fingið umborð. Fiskurin er í nógv betri standi nú.

Høgni Djurhuus

Grækaris Djurhuus Magnussen

09.07.2012 - 12:28

<div>Nú teir brúka nýggju pumpuna at fáa fiskin umborð, er minni enn eitt prosent av fiskinum, sum skipini hjá Varðanum fáa,  brotin, sum teir siga. </div><div>At fiskurin er brotin merkir, at fiskurin er so illa farin av at vera kroystur í trolinum, at hann kann ikki brúkast til matna, men bara til mjøl.</div><div><br></div><div>Eitt prosent er nógv minni enn fyrr, tað er áðrenn pumpan kom. Hesa tíðina í fjør vóru upp í tíggju prosent av fiskinum brotin, skrivar Varðin í Gøtu á sínari heimasíðu.</div><div><br></div><div>Leygarmorgunin kom Finnur Fríði á Kollafjørð við 1400 tonsum, 1100 tons vóru makrelur. Skipini hjá Varðanum hava nú fiskað góð 6.000 tons við nýggju pumpuni.</div><div><br></div><div>Fiskurin verður pumpaður livandi um borð í tangarnar, so hvørt hann kemur í trolið. Hann er sostatt ikki undir trýsti í upp í fimm tímar í trolinum, áðrenn hann kemur umborð.</div><div><br></div><div>Sambært Varðanum er prisurin fyri makrelin betri, eftir at teir fóru at brúka nýggju pumpuna.  </div><div><br></div>