- Tíðindi, mentan og ítróttur
Lítið til av nebbasild á landgrunninum
<div>Fyribils úrslitið er, at lítið varð fingið av flest øllum sløgum, og yvirhøvur var yngulin sera smáttfallandi. </div><div><br></div><div>24 sløg vórðu fingin á Landgrunninum og 12 á Føroyabanka, nakað minni enn í fjør og fyrraárið. Millum annað var sera lítið av nebbasild á landgrunninum. Sama gongd sæst hjá øðrum fiskasløgum, millum annað sild. </div><div><br></div><div>Sostatt eru útlitini fyri føðigrundarlagnum hjá sjófugli og fiski ikki góð, sigur Havstovan. </div><div> </div><div>Eftir at toskayngul á landgrunninum í fleiri ár minkaði nógv í 2005 til 2007, vaks talið aftur í 2008 til beint oman fyri miðal fyri alt tíðarskeiðið síðani 1994. </div><div><br></div><div>Og í 2009 var nøgdin nærum dupult so stór sum í 2008. Men onkursvegna spurdust bara ávikavist ein undir miðal og ein miðal árgangur av toski burturúr. </div><div><br></div><div>Hóast toskayngulin í ár var eitt vet frægari enn í 2010 og 2011, er hann ájavnt talinum í 1991, sum er tað minsta, vit vita um, síðani yngulkanningarnar byrjaðu í 1974, sigur Havstovan. </div><div> </div><div>Eisini fyri hýsu gjørdist úrslitið sera vánaligt, hóast tað er nakað frægari enn í 2010 og 2011. </div><div> </div><div>Kanningarnar hjá Havstovuni vístu eisini, at sjógvurin er kaldur í ár. </div>
