Meira útgoldið í lønum

33 miljónir kr. fleiri vórðu útgoldnar í lønum annan ársfjórðing í ár, og tað er besti ársfjórðingur til lønir seinastu fýra árini

Serliga innan skipaskmíð eru lønirnar vaksnar.

Sigmar Bláberg

Grækaris Djurhuus Magnussen

11.07.2012 - 14:37

Í apríl, mai og juni vórðu útgoldnar 1.763
milliónir kr. í lønum og framgongdin var nærum 2%. Hetta var annar
ársfjóðringur á rað at tað er framgongd og vóru lønirnar í øðrum ársfjóðringi
tær hægstu í fýra ár.

Seinasta hálva árið er 5,2% minni útgoldið í
fiski-, og alivinnuni samanborðið við seinna hálvár 2011. Ein av orsøkunum er
at veiðan eftir makreli er um heystið.

Verkfallið hjá tí almenna í vár var eisini orsøk
til eina lítla afturgongd.

Í privatu tænastuvinnunum er 3,6% meira
útgoldið fyrra hálvár, samanborðið við seinna hálvar í fjør og í byggivinnuni
1,6%.

Sjálvt um byggivinna og onnur tilvirking
hevur goldið meira út í lønum, so er tað vinnugreinin skipasmíð sum gevur
vøksturin. Higartil í ár eru útgoldnar 14 milliónir kr. meira til skipasmíð og
aðrar smiðjur, meðan tað eru útgoldnar 11 milliónir minni til bygging,
samanborðið við sama tíðarskeið í fjør.

Í vinnugreinini Byggivinna o.o. tilvirking
eru vinnugreinarnar bygging, skipasmiðjur og smiðjur, orka og vatnveiting og
annar ídnaður.